Баян-Өлгий · Өлгий сум
Т.Болор-Эрдэнэ
Алтайн хязгаараас мэдлэгийн хязгааргүйд
Монгол орны баруун хязгаарт, Алтайн сүрлэг уулсын дунд Т.Болор-Эрдэнэ ирээдүйнхээ замыг зурж явна. Тэрээр Баян-Өлгий аймгийн Өлгий сумын Ерөнхий боловсролын 2-р сургуулийн төгсөх ангийн сурагч.
- Анги
- Төгсөх анги
Баян-Өлгий · Т.Болор-Эрдэнэ
Бүлэг 02 / 10
Улаанбаатар хотоос 1,686 километрийн зайд орших энэ нутагт олон угсаатны бүлэг өөр өөрийн хэл, соёл, уламжлалаа хадгалан амьдардаг. Казах түмний өвөрмөц ахуй, Алтайн уулс, уудам хөндий нь энэ нутгийн өнгө төрхийг бүрдүүлнэ.
Баян-Өлгий · Т.Болор-Эрдэнэ
Бүлэг 03 / 10
Болор-Эрдэнэ хичээнгүй, олон талын авьяастай сурагч. Аав Төртулга нь биеийн тамирын багш, аймгийн арслан, сурын холбооны тэргүүн. Аавынхаа тууштай байдлаас үлгэр дуурайл авсан Болор-Эрдэнэ гар бөмбөгийн шилдэг холбогч болж, талбай дээр багийнхаа тоглолтыг зангидаж сурчээ.
Баян-Өлгий · Т.Болор-Эрдэнэ
Бүлэг 04 / 10
Харин ээж нь монгол хэлний багшаар 31 жил ажиллаж байна. Ээжийнхээ мэргэжлээс урам авсан Болор-Эрдэнэ бийрэн бичлэгт дурлаж, уламжлалт бичгээр дурсгалын бүтээл урлан жуулчдад бэлэглэдэг.
Баян-Өлгий · Т.Болор-Эрдэнэ
Бүлэг 05 / 10
Зуны улиралд гэр бүл нь аялагчдыг хүлээн авч, төрөлх нутгийнхаа байгаль, соёлыг танилцуулдаг. Болор-Эрдэнэ туслах тогооч хийж, аав ээждээ туслахын зэрэгцээ аялагчидтай англи хэлээр ярилцдаг.
Баян-Өлгий · Т.Болор-Эрдэнэ
Бүлэг 06 / 10
Түүний хувьд англи хэл бол өөр соёлтой хүмүүстэй холбогдож, төрөлх нутгаа дэлхийд таниулах гүүр. Сургуулийнх нь дижитал анги түүнийг англи хэлний чадвараа хөгжүүлэхэд ихээхэн тусалжээ.
Баян-Өлгий · Т.Болор-Эрдэнэ
Бүлэг 07 / 10
Багадаа сансрын нисгэгч болохыг мөрөөддөг байсан Болор-Эрдэнэ өнөөдөр ирээдүйнхээ шинэ замыг сонгожээ. Тэрээр Санхүү, эдийн засгийн их сургуульд эдийн засгийн чиглэлээр суралцахаар төлөвлөж байна.
Баян-Өлгий · Т.Болор-Эрдэнэ
Бүлэг 08 / 10
1927 онд байгуулагдсан Өлгий сумын 2-р сургууль өдгөө казах, урианхай, дөрвөд, тува, буриад, халх, өөлд зэрэг олон угсаатны бүлгийн 2,720 сурагчийг нэгэн дээвэр дор сургаж байна.
Баян-Өлгий · Т.Болор-Эрдэнэ
Бүлэг 09 / 10
Дижитал ангидаа сурагчид дэлхийн алс холын газруудаар аялж, сансар огторгуйтай танилцдаг. Технологи ийнхүү газарзүйн зайг ойртуулж, хүүхдүүдийн сониуч зан, төсөөллийг тэлэх шинэ цонх болжээ.
Өргөн уудам нутгийн хаана ч байсан, хүүхэд бүрийн мөрөөдөлдөө хүрэх зай 0 км.
Баян-Өлгий
Энэ бол 6 түүхийн нэг нь.
Хүүхэд бүрийн мөрөөдөлд хүрэх замыг ойртуулахад таны оролцоо чухал.
Энэ түүхийг хуваалцах
Дараагийн түүх
Х.Тэлмүүнзаяа
Өмнөговь
Танилцуулга: Т.Болор-Эрдэнэ